- Bakailaoa: 3 lomo lodi, 250 gr.koa bakoitza eta esanda bezala gezatuta.
- 8 onddo
- Tipuleta 1
- 8 baratxuri-atal
- Oliba-olioa: 1/4 l.
- Ardo zuri lehorra baso erdia
- Gatza
- Perexila
Olioa kendu kazolatik eta bertan utzi bakailao puskak eta oso su txikian, olioa botatzen joan (sei koilarakada gorde) poliki-poliki kazolara eta etengabe birak ematen jarraitu pil-pil saltsa bat lortu arte.
Atera tajadak pil-piletik, hezurrak eta azalak kendu eta bakailaotik laminak atera.
Gorde dugun olioaren hiru koilarakadetan tipuleta eta baratxuri ale bat txiki-txiki eginda sutan eztitu. Barazkia bigundu denean, onddoen zurtoinak zurituta eta dadoetan zatituta bota, buelta bat eman eta ardo zuria erantsi. Hamabost bat minututan dena egin dadila. Birringailutik pasa eta gero txinotik.
Onddoen txapelak laminetan zatitu eta oso su txikian egingo ditugu ordu erdiz geratzen zaigun beste 3 Koilarakada oliotan, eta baratxuri atal bat txiki-txiki eginda eta gatza ere bota.
Kontu handiz nahastuko ditugu pil-pila eta onddoen purea ahal den saltsarik homogeneoena lortzeko.
Plater bakoitzaren erdian zirkulu bat egingo dugu eta lore bat bezala, lehenengo bakailao laminak eta gero onddoak, horrela txandatuta, jarriko ditugu eta inguruan pil-pil saltsa jarri eta baratxuri gorrituekin platera dekoratu.
