- Bakailaoa: 1 kg., erdi neurriko lomoak, hemen esan bezala gezatuta.
- 8 baratxuri-ale
- Oliba-olioa: 1/2 litro
- 6 tipula eder
- 2 baratxuri-ale
- Urdaia: 100 gr.
- Urdaiazpikoa: 50 gr.
- Maria gaileta 1
- Perexil sorta bat hari batez lotuta
- 12 piper txorizero
- 3 pikillo piper
- Tomate heldu bat.
- Gatza eta piperra.
Bakailaoa epeltzeko erabili dugun olio erdia hartu eta tipula eta baratxuriak xehetuta sutan ipini, pikillo piperrak tiratan, urdaia, urdaiazpikoa eta Maria gailetarekin batera. Gatz piskat bota. Dena oso poliki egin behar da, hiru bat ordu iraun behar du prestaketak eta bitartean ongi zaindu. Bi ordu igaro ondoren tomatea zatituta eta perexil sorta erantsi eta egiten jarrai dezala. Ordubete gero, urdaia, urdaiazpikoa eta perexila kendu.
Piper txorizeroei txortena eta pepitak kendu, uretan irakin eta xukatu. Ur hotzetan ipini eta berriz irakin. Horrela lau aldiz. Piperrak beratzen ere jar daitezke ordu batzuk lehenago. Aizto batekin pulpa eta azala bereiztu eta tipula eta beste osagaiei bota eta beste irakinaldi bat eman.
Emaitza pure-egitekotik pasa eta gero txinotik, oso saltsa fina lortzeko. Gatza eta piperrautsa puntuan jarri. Lodiegi geratuko balitz arrain-salda piskatekin arindu liteke edo, besterik gabe, urarekin.
Bakailao tajadak kazola batean ipini azala gorantz begira, saltsa erantsi eta multzoari irakinaldi motz bat eman ontzia etengabe mugituz.
Mahaira ateratzeko garaian, platerean bakailao zati bat ipini, saltsarekin estali eta, nahi bada, piper gorri eta berdeen tirekin apaindu.
