- Bakailaoa: 500 gr.
- Perexila xehetuta:
- koilarakada bat
- Oliba-olioa: 1/4 l.
- Baratxuri buru bat
- Porrua: 500 gr.
- Kalabaza: 150 gr.
- Azenarioa: 200 gr.
- Patata: 300 gr.
- 3 tipuleta
- Ura: 1 l.
- Oliba-olioa: 1 dl.
Kontu handiz kendu hezur eta azal guztiak. Ezkatak kendu.
Gorritu poli-poliki baratxuri-atalak oliotan eta kolore polita hartu dutenean atera.
Olioa epeltzen utzi eta bertan sartu bakailao tajadak. Su motelean utzi sei edo zazpi minutuz.
Bakailaoa oliotik atera eta bakailaoaren hezur eta azalekin su motelean ipini dugun beste kazola batera bota poliki-poliki olio hori. Bueltaka mugitu kazola pil-pil saltsa bat ligatzen den arte. Iragazi, hezurrak eta azalak kentzeko, eta gorde.
Bakailao tajadak laminetan desegin eta egin berri dugun pil-pilean sartu.
Geratzen den olioan barazki guztiak ongi txikituta bota, urez estali eta ordu erdiz irakiten utzi.
Puntu honetan bi aukera daude: edo porrusalda dagoen bezala zerbitu edo irabiagailutik pasa eta gero txinotik krema fin bat lortzeko.
Formula bat edo bestea aukeratzen bada ere, porrusalda oso beroa atera behar da eta, gero, plateraren erdian, bakailao lamina batzuk jarriko ditugu, lehenago epelduko genituenak pil-pilaren bi edo hiru koilarakadekin. Guztia perexil xehetu piskatekin hautseztatu.
